Amin’ny tontolon’ny fandraharahana,ny fifaninanana sy ny fifandraisana tsara no tena manjaka. Sarotra indraindray ny miaritra amin’ny soatoavinao sy ny fahamarinana.

Tsarobvy ireto torohevitra ireto mba tsy hahavery anao:

• Mandà ny kolikoly, na amin’ny zavatra madinika na amin’ny tetikasa lehibe
• Manaja sy manome hasina ny mpikambana rehetra tsy an-kanavaka ao amin’ny orinasa
• Mieritrereta ela alohan’ny hanapahan-kevitra na hanomezan-toky amin’ny zavatra iray
• Lanjalanjao ny herin’ny teny avoaka mba hanaovanao tsara amin’ny hafa
• Manomeza toky azo tanterahina amin’ny fotoana voatondro ary tsy misy fifanarahana mampisalasala
• Tanteraho ny teny nomena
• Raha tsy mahatanteraka ny teny nomenao ianao, dia aoka hitsotra ka hanaiky manoloana ny olona voakasik’izany
• Manàna fanetren-tena ary sahia manaiky ny hadisoanao eo anoloan’ny olon-drehetra
• Sahia mandray fanapahan-kevitra sarotra nefa marina ary ilaina hahatsara ny orinasana sy ny mpiasanao