Ny orinasa tompon’andraikitra dia mahay mandamina sy mampifandanja ny fitadiavany tombony amin’ny laharam-pahamehana hafa.
Orinasa mihevitra mialoha ny fironana mba hifanaraka amin’izay andrasan’ny tsena anatiny sy iraisam-pirenena. Indraindray, mila miankina amin’ny tsindrimandriny izy. Rehefa miasa izy, dia manome vahana kokoa ny lafiny ara-kalitao.
Orinasa mampiroborobo ny rariny izy. Mandray andraikitra izy ary miady amin’ny fanavakavaham-bolokoditra. Miahy ny zo mahaolona, maniry ho mpitarika amin’ny fandaharan’asa momba ny fampidirana ara-piaraha-monina izy. Ankoatr’izay, miezaka mamboly fifandraisana manakaiky ny mpanjifany sy ny mpamatsy entana izy.
Mahatsapa ny hasarobidin’ny loharanon-karena natoraly, maniry ny handray andraikitra ara-pandraharahana amin’ny fiarovana ny tontolo iainana.Orinasa mandray andraikitra amin’ny fiovana ara-tontolo iainana izy. Noho izany, ny fampihenana ny fandanindaniam-poana dia ao anatin’ny zavatra ahiany.
