Manaraka vanim-potoana ny orinasa iray rehefa voafaritra anaty vanim-potoana iray anatin’ny fotoam-piasana ny fahazoany tombom-barotra ambony.Ohatra, ireo orinasa misehatra amin’ny fizahan-tany dia manana vanim-potoana ambany sy vanim-potoana ambony.

Raha liana amin’ny fanorenana orinasa tafiditra ao anatin’io sokajy io ianao, fantaro fa ny raharaham-barotra toa izany dia fametrahana fomba fitantanana hafa.

• Dieny voalohany, mila manaiky ny zava-misy sy ny fiovaovan’ny tombombarotra, na iva na avo izany. Misongadina kokoa izy io amin’ity toe-javatra iray ity.
• Fantaro mialoha ary mandrafeta paik’ady ho an’ny vanim-potoana iva. Hevitra mety ny fanaovana sehatr’asa hafa, ho fitsinjovana ny fotoana maha-ambany ny tombom-barotra.
• Na amin’ny vanim-potoana iva aza,tandrovy tsy tapaka ny fifandraisanao amin’ny mpanjifa mahazatra. Miaraka amin’izany,Ovaovao ny mpanjifa kendrena amin’ny fanentanana ataonao mba hahazoanao mpanjifa amin’ireo vanim-potoana roa ireo.
• Araka ny endriky ny orinasanao, tsara kokoa ny manome lanja ny fanofana fitaovana. Mba hisian’ny antoka bebe kokoa, mifidiana matihanina amin’ny fivezivezena araka ny vanim-potoana mba hanampy anao amin’ny dingana atao.
• Farany, araraoty ny vanim-potoana tony mba hiomananao mialoha amin’ny vanim-potoana avo. Antoka iray izany manoloana ny toe-java-misy nametrahanao fomba hampitomboana amin’ny avo indrindra ny tombom-barotrao.