Ny FIVMPAMA na Fivondronan’ny Mpandraharaha Malagasy (Groupement du Patronat Malagasy), dia fikambanana fehezin’ny didy  60.133 tamin’ny 03 Oktobra 1960, natsangana tamin’ny 1972 ary mamondrona orinasa  400 mizarazara manerana ny nosy , tafiditra anaty sokajin’ny PMEs/PMIs. Ny tanjony dia ny hampiroborobo ny fandraisana anjara mavitriky ny mpikambana ao aminy amin’ny fiainana ara-toe-karena sy ara-tsosialy. Araka izany, ny anjara asan’ny fikambanana dia (i) hikaroka sy hiaro ny zon’ny sehatra tsy miankina eran’ny nosy  , (ii) hanohana sy hanampy ireo asa rehetra ho an’ny fampiroboroboana ny orinasa tsy miankina eran’ny nosy ,  (iii) hitondra ny fandraisana anjara mavitriky ny mponina ary handray anjara  ho fampiasana ireo hery manerana ny nosy efa misy amin’ny tsaratsara kokoa eo anivon’ireo sehatra rehetra ara-ekonomika, (iv) hampiroborobo ny fifandraisana amin’ireo samy mpandraharaha nasionaly , fifandraisana mifototra amin’ny firaisan-kina sy ny fifampatokisana ao amin’ny sehatry ny  toe-karena tsy miankina, (v) handray ny asan’ny mpanoro hevitra ireo manampahefana sy ireo mpanapa-kevitra hafa mahakasika ny fametrahana ny fepetra sy ny politika ho an’ny fampandrosoana ara-toe-karena sy ara-tsosialy.