Dingana voalohany amin’ny tontolon’ny fandraharahana?

Atombohy ary trandraho ny lafiny rehetra amin’ny lalan’ny fandraharahana! Misy fanazavana fototra handrafetana tsara ny tetikasa fanangananao ny orinasanao

• MAMARITRA NY TETIKASANAO :

Mila mamaritra ny tetikasanao aloha ianao amin’ny fahafantarana hoe karazana vokatra na tolotra inona no hatolotrao ny mpanjifa kinendrinao , karazana tsena toa inona, aiza no hanorenanao azy ary inona avy ny fitaovana misy eo am-pelatananao. Hanampy anao hamaly ireo fanontaniana ireo, misy torolalana afaka jerena amin’ny fanindrianao ity rohy ity https://orinasa.edbm.mg/Articles_4

• MISAFIDY NY DINGANA ARAHINA HIDIRANA AMIN’NY ARA-DALANA:

Manokatra varavarana maro ny fidirana ao amin’ny sehatry ny ara-dalàna, toy ny fahatsoran’ny fidirana amin’ny tsena, ny tambazotra matihanina sy ny famatsiam-bola. Ny fahalalana fototra momba ny mahasamy hafa ny mpandraharaha, orinasa tsy misoratra ara-dalàna sy ny orinasa mitsangana ara-panjakana dia afaka jerenao amin’ny fanindriana ity rohy ity https://orinasa.edbm.mg/Articles_2

•           MISAFIDY NY SATA ARA-DALANA :

Rehefa voafaritra tsara ny tetikasa ka tapa-kevitra hiroso amin’ny fidirana ara-dalàna ianao(hanangana ny orinasanao), ilaina ny mifidy tsara ny sata ara-dalàna idiranao amin’ny fametrahana ny fanontaniana manaraka : maniry hiasa irery ve ianao sa hanana mpikambana ara-barotra? Te hiaro ny fanananao ve ianao ? Hanampiana anao, dia manasa anao izahay hanovo fahalalana amin’ny fanindriana ny rohy roa manaraka: hamantatra ny hevitra fototra https://orinasa.edbm.mg/Articles_5 , ary hamantatra ny dingana arahina raha handraharaha https://orinasa.edbm.mg/legalStatusChoice

•           HAMANTATRA RAHA MILA FAHAZOAN-DALANA MANOKANA NY ASA ATAONAO :

Afaka jerenao ato ny lisitr’ireo sehatr’asa itakiana fahazoan-dalana manokana sy ny dingana arahina amin’izany https://orinasa.edbm.mg/regulatedActivities

•           HANOMBOKA NY ASANAO :

Ny adiresy hita ato amin’ity rohy manaraka ity https://orinasa.edbm.mg/Articles_10 dia mety hanampy anao ary manasa anao ihany koa izahay hitsidika ny dingana arahina amin’ny fananganana orinasa ao amin’ny sokajy « Procédures »

Ambonin’izany , loharanon-kevitra samihafa manana endrika horonan-tsary, fanehoana, torolalana ary antontan-kevitra, izay ho fitaovana hanampy anao hanangana ny tetikasanao no azonao alaina etsy ambany