Misokatra ny fiantsoana tetikasa ho an’ny andiany 2021 avy amin’ny Fanampiana ny Fiarahamonim-pirenena FSPI-PISCCA  avy amin’ny  Sampandraharaha momba ny fiarahamiasa sy ny asa ara-kolotsaina eo anivon’ny Masoivohon’i Frantsa eto Madagasikara ! Ity Famatsiam-bola ho Fanampiana ny Fiarahamonim-pirenena PISCCA ity dia mikendry ny hanamafisana ny andraikitry ny OSC amin’ny  ny zo sy ny sehatra ho an’ny vehivavy malagasy eny anivon’ny sehatr’asa ao amin’ny fiaraha-monina : politika, toe-karena, fahasalamana, fanabeazana, fampandrosoana maharitra, ny lalàna, fitantanana ara-panjakana, fampidirana amin’ny sehatry ny asa sy ara-tsosialy, fiadiana amin’ny fitovian-jo, herisetra mifototra amin’ny mahalahy sy mahavavy, fanamaivanana ny fiovan’ny toetr’andro, fanavaozana sy nomerika, sns.

Ny vondron’ny fiarahamonim-pirenena afaka mirotsaka ho fantenana  (fikambanana ambanin’ny lalàna malagasy ) dia antsoina mba haka ny rijan-teny hahalalana ny fomba fisoratana anarana ary hametraka fangatahana famatsiam-bola amin’ny fomba elektronika alohan’ny  15 septambra 2021 (06 ora hariva oran’i Madagasikara) amin’ny fampiasana ny maodely atolotra ao(fangatahana, teti-bola,  ny rafitra mirindra, ny kisary ara-potoana).

Ankoatr’ireo tanjona fanatsarana ny fari-piveloman’ny vehivavy sy ny fahaleovantenany ho amin’ny fandraisana anjara mavitrika kokoa eo amin’ny fiaraha-monina,  hojerena manokana ny :

• ny tetikasa fitaratra sy vaovao afaka atao fanandramana ho an’ny asa ataon’ny fiarahamonim-pirenena, ny  manam-pahefana sy ny mpiara-miombon’antoka teknika sy ara-bola miasa eto Madagasikara;
• ny tetikasa maneho paik’ady hitazonana sy hanamafisana  ireo vokatra azo avy amin’ny tetikasa ary hiantoka ny faharetan’ny vokatra ( fiovan-toetra, fanatsarana ny fahaiza-manao, maodely ara-toe-karena, fiaraha-miombon’antoka) ;
• ny tetikasa mampitambatra mpisehatra isan-karazany (OSC, ONG, manampahefana anatiny sy nasionaly, sampandraharaha teknika itsinjaram-pahefana , mpisehatra tsy miakina, sehatra sy tambazotra isan-tokony, ivon-toeram-pikarohana, vondrona itsinjaram-pahefana, tambazotran’ny alliances françaises, sns.).

Raha misy fanontaniana fanampiny sy ho fametrahana ny antonta-taratasinao alohan’ny 15 septambra 2021 (06 ora hariva oran’i Madagasikara)  dia iangaviana ianao hanoratra amin’ity mailaka ity irery ihany : formulaire-scac.tananarive-amba@diplomatie.gouv.fr ary hanamafy ao amin’ny antony  : PISCCA 2021 – anaran’ny fikambanana .

Alaivo eto ireto antontan-taratasy ireto  :

• Rijan-teny
• Taratasy fenoina
• maodelin’ny tetibola
• maodelin’ny rafitra mirindra
• maodelin’ny kisary ara-potoana